LIBRI I
L’Aleluia finâl
150 1 Aleluia.
Laudait Idiu dal so santuari,
laudaitlu tal firmament de sô potence.
2 Laudaitlu pes grandis robis ch’al à fatis,
laudaitlu pe sô grandece inmense.
3 Laudaitlu sunant la trombe,
laudaitlu cun arpe e citare.
4 Laudaitlu cul tamburel e cu la danze,
laudaitlu su lis pivetis e su lis cuardis.
5 Laudaitlu sdrissant lis covertoriis,
laudaitlu cun covertoriis sunsurosis.
6 Dut ce ch’al respire
ch’al laudi il Signôr.
Aleluia.