LIBRI I
Cu la sô ombrene Diu al vuarde i pas dal pelegrin (120)
121 1 Di cjantâlu cuant che si va sù tal santuari.
O alci i vôi viers lis montagnis:
d’indulà mi vignaraial jutori?
2 Il jutori mi vignarà dal Signôr:
lui al à fat cîi e tiere.
3 Nol lassarà che il to pît al clopi,
che il to vuardean si inçussisi.
4 Ve, no si inçussìs vie,
no si piert vie chel che Israel al vuarde.
5 Il Signôr al è la tô vuaite,
al è il Signôr la tô ombrene
ch’e sta a la tô man gjestre.
6 Vie pal dì no ti fasarà mâl il soreli
ni vie pe gnot la lune.
7 Ti vuardarà di ogni mâl il Signôr,
al vuardarà la tô vite.
8 Il Signôr ti vuardarà cuant che tu partissis e cuant che tu tornis,
cumò e par simpri.