Joibe 4 Lui 2024
947 AGNS DE PATRIE

BIBIE IN LINIE

Salms

Introduzion

Torna alle bibie

Cjapitul 113

LIBRI I

Laut al Diu di Israel che de sô grandece si sbasse su la puaretât dal om (112)

113 1 Aleluia.

Laudait, fameis dal Signôr,

laudait il non dal Signôr.

2 Il non dal Signôr ch’al sedi benedît,

cumò e par simpri.

3 Dal jevâ fint al lâ a mont dal soreli

ch’al sedi laudât il non dal Signôr.

4 Il Signôr al è il plui alt, sore ducj i popui;

plui alte inmò dai cîi e je la sô glorie.

5 Cui isal compagn dal Signôr nestri Diu,

che là sù adalt si sente

6 e che a cjalâ jù si plee

sui cîi e su la tiere?

7 Dal pulvin al tire sù il misar,

e il puar dal ledan al jeve,

8 par fâlu sentâ cui princips,

cui prins dal so popul.

9 Al fâs stâ te sô cjase la sterpe,

tant che une mari che dai siei fruts si glorie.

Aleluia.

Notis:

  • 113,1 - I “fameis dal Signôr” a son probabilmentri i levits e i predis, ch’a stan “te cjase dal Signôr, tai andits de cjase dal nestri Diu” (135,2).
  • 113,3 - Dal jevâ al lâ a mont dal soreli al à une dople valence: temporâl (di buinore fin gnot) e gjeografiche (dal Orient al Ocident). Une laut duncje cence soluzion di timp o di spazi (Mi 1,11).
  • 113,7 - Diu si sbasse par alçâ. Lu proclame ancje Ane te sô cjante di ringraciament (1 Sam 2,7-8) e i fâs rivoc Marie tal Magnificat (Lc 1,52).
  • 113,9 - Te schirie dai umiliâts e dai puars un puest particolâr i spietave a la femine che Diu al veve colpide cu la sterilitât, come Ane (1 Sam 1,5ss).
Cjapitui: