Pre Checo Placerean
Pre Checo Placerean (1920-1986) al è stâ une des vôs plui altis che a àn judât i Friûl a cjatâ la proprie identitât, peculiaritât e individualitât.
Al à metude in lûs la straordenarie origjinalitât dal patriarcjât di Aquilee, scune e risultive dal nestri jessi furlans e cristians, te sô dople funzion, religjose e politiche.
Al è stât predi, mestri, politic, inteletuâl, om da catedre e di pulpit, cuntune vision armoniche pardabon esemplâr.
Vôs dal Friûl, al à fat sintî la sô peraule cjalde e passionade, provocant e profetiche, liberant e stimolant tai moments e tes situazions plui impuartantis, des manifestazions pe universitât dal Friûl, a la Mozion dal clero, a la tragjedie dal taramot.
Al à volude la messe par furlan e, di conseguence, la traduzion dai tescj liturgjics tacant la vore straordenarie de Bibie. Al à vudis lis grandis intuizions di inviâ moments simbolics pal Friûl: la fieste de Patrie ai 3 di Avrîl, la bussade des Crôs a San Pieri di Cjargne e a Aquilee la solenitât dai Sants fondadôrs de nestre Glesie, Ermacure e Fortunât.
Biografie Pre Checo Placereani