“Te anime e te piere”: La acuile dal Patriarcjât di Aquilee e je scolpide te anime dai furlans Glesie Furlane e fâs un regâl a ducj i furlans te zornade de Fieste de Patrie dal Friûl “Glesie Furlane e je simpri cui furlans, a difindi la lôr dignitât e i lôr dirits, parcè che la nestre acuile e je scolpide tant te anime che te piere” Ai 3 di Avrîl 1077 l’Imperadôr Indrî IV al da al Patriarcje Siart il Ducât dal Friûl, il 3 di Avrîl al segne cussì la nassite dal Stât Patriarcjâl Furlan. Tai prins agns ’70, Pre Checo Placerean e i predis di Glesie Furlane a àn riscuviert la celebrazion de Fieste de Patrie dal Friûl, par insegnâ a ducj nô furlans la impuartance di Aquilee e dal Patriarcjât te storie europeane e il valôr de nestre storie, lenghe e culture. Pre Romano Michelot di Glesie Furlane al dîs: “Se daûr di une bandiere no je la identitât, la cussience e l’apartignince di un popul, chê bandiere e reste dome un peçot colorât, la bandiere un al à di vêle dentri, e al à di vêle simpri, ogni dì par dut l’an”. Lis imagjinis dal video a son ripresis tal Domo di Vençon, il lûc dulà che si cjate la associazion di Glesie Furlane e simbul de ricostruzion e de rinassite di dut il Friûl dopo dal taramot dal 1976. Bonsignôr Roberto Bertossi, president de associazion, al torne a marcâ la vocazion di Glesie Furlane: “Il nestri sproc al è di stâ cu la int, simpri, ma soredut in moments storics dificii come chel di cumò”.

Dal 1 di Fevrâr fin ai 17 di Març PREDIS: LA NAZIONE NEGATA di Massimo Garlatti-Costa al è in programazion in dut il Friûl, proietât in cetantis salis cinematografichis.

Chi il calendari des proiezions: