Cirint lis Olmis di Diu di Antoni Beline
Ultime olme
La rivelazion des Scrituris
21 di Avrīl 2007
O vevi juste celebrade la pasche cu lis mźs comunitāts, cuant che, a colp, mi ą brincāt il māl e o soi tornāt a plombā tal scūr orent dal vinars sant, cu la vite ti sta bandonant e la sensazion di jessi rivāt insomp (o dapīt) de tō corse. Cjantantmi ingredeāt tes cjadenis dal māl fisic e psicologjic, dute la mź vision sflandorose, positive, pascāl de esistence, cu la sigurece che dut al finis in glorie e che no esist situazion o condizion che no vegni riscatade e nobilitade de vitorie di Crist, si č sfantade come un bugjel di biciclete cuant che sintive tun claut. Anche parcč che, cjalant e sintint i miei compagns di sventure, ognun cu la sō crōs e cui siei dubits, ancje jo mi confusionavi e o scomenēavi a clopuēā.
Sore dut un, tant provāt de vite e deludūt di dut, mi ą impressionāt e dibot metūt in crisi. Fevelant dal dolōr chal č tun ospedāl e in proporzion ben plui grande e tragjiche tal mont, al sostignive che nol po esisti un Creadōr chal ą fatis lis robis cussģ malamentri e un Signōr che nol rive a paronā il māl, a judā lis sōs creaturis, a salvālis di tantis soferencis e de robe plui assurde, la muart. Muart e Diu a son incompatibii, parcč che Diu al č vite e autōr di vite, cu la cuāl che la muart, ogni muart e dut ce chal puarte a la muart, a son la negazion de vite. Jessint om di culture, mi ą tirāt fūr ce che Fedor Dostoevskij (1821-1881) al ą scrit a proposit des soferencis di un frut, vignūt tal mont cence domandā e che al patis cence vź fat o mertāt nuie. Seont il gran scritōr rus, un frut malāt al vanifiche dute la dogmatiche. E a mi, romantic ancje tal ospedāl, mi č vignūt tal cjāf Oscar Wilde (1854-1900) lą chal dīs che lis lagrimis di un frut tun curtīl scūr di Londre i gjavin al soreli dut il so sflandōr. Jentrant in confidence, mi ą contāt di un zovin di Tresesin, muart cualchi an indaūr, chal ą tribulāt tant, ma tant prime di murī scanāt di dolōr e cunsumāt dal māl, che ducj si domandavin invelegnāts cemūt che un Signōr, sal jere, al faseve o al lassave tribulā in chź maniere selerade une puare anime nocente. Se ancje, come chal dīs lui, i dan il paradīs, rivarano cincuante paradīs a rifondilu dal māl chal ą frontāt in chest mont?.
O sai che a son lis solitis, classichis obiezions su la contraditorietāt fra Diu e il māl, che un cualunche scuelār di teologjie, e tant miōr un teolic, tes distrighe. Perņ une robe e je fevelā di Diu e di māl di front a un tai di vin o tun incuintri culturāl e une robe e je fāti chestis domandis biel che il māl ti sfruēone dģ par dģ. Resonant, e resonant ben, il māl e la muart a son la sconfite di Diu e il plui gran acusadōr cuintri di lui e de sō esistence e provedence. Nol č di maraveāsi se, denant dal māl personāl e dal mont, plui di un si cjate a scūr e al rinunce a cirī ce che, seont lui, nol esist.
No volevi fā un contraditori cuntun che al sfladassave come me. Un bon rapuart uman al vāl plui di une discussion teologjiche astrate. Mi č vignūt perņ tal cjāf il cās dai doi dissepui di Emaus e des peraulis che ur dīs il compagn mistereōs e providenziāl: Il Crist no vevial forsit di patī dut chest e dome cussģ jentrā te sō glorie? E scomenēant di Mosč e di ducj i profetis, ur spiegą ce che dutis lis Scrituris a disevin di lui (Lc 24, 26-27). Se la soference e je viodude e vivude seont la rude razionalitāt e je un scandul e une assurditāt. Se invezit si va plui indenant e si le cjale seont la rivelazion des Scrituris, alore e devente la strade privilegjade e sigure par jentrā in glorie.