Martars 16 | Lui 2019 | 942 AGNS de Patrie
Benvignûts “Glesie Furlane” e je un grop di cristians e furlans Cjale...
Ultimis notiziis e avîs
| 2002 | 1973 | 1972 | antecedentis |
PUBLICAZIONS e DOCUMENTS
Multimedia
Atris Pajginis
Bibie in linie
Salms
LIBRI I
La mistereose rivelazion di Diu tai cîi e la sô lusorose manifestazion al om inte leç (18)
19 1 Al mestri dal coro. Salm. Di David .
2 I cîi a contin la glorie di Diu
e la volte des stelis la sô vore e conte;
3 une dì i passe il mes a di chê altre,
la gnot a la gnot i passe la gnove.
4 Nol è un fevelâ, no son peraulis,
no si rive a sintî sunôr di sorte;
5 si è slargjade la lôr vôs par dute la tiere,
fint ai confins dal mont la lôr peraule.
6 Là sù al à metude une tende pal soreli,
tant che un nuvi ç ch’al jes de sô cjamare,
al gjolt come un om di valôr ch’al cor pe sô strade.
7 Al jeve di une estremitât dai cîi,
al va jù là ch’a finissin;
nuie nol rive a fuî al so calôr.
8 La leç dal Signôr e je perfete,
e rinfuarce l’anime.
La testemoneance dal Signôr no mole:
ur dà sintiment ai pi ç ui.
9 I comandaments dal Signôr a son robe juste:
a jemplin il cûr di gjonde.
L’ordin dal Signôr al è splendit:
ur dà lusôr ai vôi.
10 La peraule dal Signôr e je monde e e dure par simpri:
i judizis dal Signôr a son vêrs e juscj dal prin al ultin;
11 plui che no l’aur a valin, plui che no un disordin di aur dal plui rût;
a son plui dolçs che no la mîl e di un pietin ch’al gote.
12 Cun dut che si lasse indreçâ di lôr il to famei
e al à dut ce vuadagnâ tal metiju in vore,
13 i fai cui ju capissial?
Di ce ch’o ài fat di mâl, tu smondeimi.
14 Soredut de supierbie ten vuardât il to famei,
che a paronâ sore di me no rivi;
alore o sarai mont
e cence pecjât di sorte.
15 Che tu vedis agrât ce ch’e dîs la mê bocje
e il bat dal gno cûr ch’al rivi a la tô presince,
Signôr, gno ripâr e mê crete.
Notis:
- 19 - Un salm dividût in doi tocs, un poetic e un sapienziâl. Al trate de rivelazion di Diu intai cîi e inte leç.
- 19,1 - La volte dal cîl e divideve lis aghis ch’a jerin sot di chês ch’a jerin sore (Gjen 1,6-7).
- 19,4 - Lis creaturis razionâls a comunichin midiant dai sunôrs; lis creaturis no razionâls a comunichin instès ma intun’altre forme. La rivelazion di Diu intes sôs “oparis” al è un teme svilupât in Sap 13,1-3 e in Rm 1,19-20. Pauli al apliche il v. 5 a la proclamazion dal Vanzeli che za tai siei timps e jere rivade fint ai confins dal mont civîl (Rm 10,18).
- 19,7 - Lis dôs “estremitâts” a son claramentri l’orient e l’ocident (viôt Mc 13,27).
- 19,8 - La leç, come tai Sal 1 e 119, e je la Torà consegnade par scrit al popul midiant di Mosè e dai profetis. In pratiche dut il VT, in particolâr il Pentateuc.