Joibe 25 | Fevrâr 2021 | 944 AGNS de Patrie
Benvignûts “Glesie Furlane” e je un grop di cristians e furlans Cjale...
Ultimis notiziis e avîs
| 2005 | 2002 | 1973 | 1972 | antecedentis |
PUBLICAZIONS e DOCUMENTS
Multimedia
Atris Pajginis
Bibie in linie
Salms
LIBRI I
I “comandaments” par cjatâ sotet in Diu (14)
15 1 Salm. Di David .
Signôr, cui podaraial vivi te tô tende,
cui podaraial stâ su la tô mont sante?
2 Chel ch’al cjamine te onestât,
ch’al pratiche la justizie e tal so cûr al dîs la veretât.
3 Chel che nol met fûr cjàcaris cu la sô lenghe,
che no i fâs mâl al so prossim
e chel dongje di lui nol svilane.
4 Chel ch’al spresee l’om plen di tristerie
ma chei ch’a àn timôr dal Signôr ju onore,
e, se ancje al à z urât a so damp, nol volte peraule.
5 Chel che nol dà i siei bêçs fasint usure
e cuintri dal nocent nol cjape regâi.
Chel ch’al fâs cussì,
nol cloparà par mai.
Notis:
- 15 - Par vieri chest salm al jere un “rituâl di jentrade”, là che si faseve cognossi ai fedêi lis cundizions par podê presentâsi denant di Diu. La domande e je fate diretamentri a Diu parcè che dome lui al pò stabilî chestis cundizions.
- 15,1 - La tende e je chê dal pat (Es 28,43; 33,7) e la mont sante e je chê di Sion.
- 15,4 - “A so damp”, cul TM.
- 15,5 - La leç di Mosè e improibive di domandâ un interès cuant che si imprestave bêçs (Lv 25,36-37; Es 22,25; Ez 18,17), a pat che no si tratàs di forescj (Dt 23,19-20).