Benvignûts
“Glesie Furlane” e je un grop di cristians e furlans che a cirin di lâ a font des lôr lidrîs culturâls e religjosis, par podê conciliâ in maniere armoniche la proprie fede cu la proprie identitât culturâl. Vuê si fevelarès di “inculturazion de fede” o di “vanzelizazion de culture”.
Nassût viers i agns ’70 dal secul passât, sul sburt dal Concili Vatican II (1962-1965).
Obietîf de Associazion al è chel di cognossi, studiâ, promovi, valorizâ cun ricercjis, publicazions, incuintris dut ce che al rivuarde la dimension religjose te culture furlane cirint tant traviers lis fonts storichis che la realtât contemporanie.
Di cheste gnove cussience de proprie origjinalitât e dignitât, e nas l’esigjence di “dâi a la nestre fede il savôr de nestre tiere”. Lu fasìn midiant dal studi des risultivis, dai aprofondiments, de traduzion dai tescj biblics, de lenghe furlane inte liturgjie, te catechesi e de valorizazion dal patrimoni musicâl patriarcjin, religjôs e popolâr.
Ultimis notiziis e avîs
Missus & Predis
05 di Març 202450esim di fondazions di Glesie Furlane
27 di Fevrâr 2024Amîs,
dopo un timp di cidinôr, o tachìn il 50esim di fondazions di Glesie Furlane cun trê incuintris di grant interès storic e religjôs, riferîts a trê carateristichis dal Credo tramandât di Rufin, o Credo di Aquilee.
Culì a ret o vin di ringraziâ il prof. Gabriele Pelizzari che nus à judât a imbastî chescj incuintris e che nus puarte ancje siei arlêfs che ormai a son tes universitâts forestis.
pre Roman
Proiezion Missus
12 di Dicembar 2023La novene di Nadâl in Friûl e je di simpri stade caraterizade dal cjant dal Missus, tant che la int a diseve “O voi al Missus”.
Cjatinsi ducj insieme al Missus di Domenie 17 di Dicembar a Glemone
Locandine
Pre Roman
Rassegna stampa sulla VICENDE TORMENTADE DAL MESSÂL PAR FURLAN
01 di Dicembar 2023Cun cheste racuelte che o publichìn chi sot o volìn dâ spazi a lis plui impuartantis iniziativis fatis a tutele dal lavôr sul Messâl par furlan che l’assemblee CEI non à aprovât. I documens a contin benon ce che al è sucedût e ce che si sta fasint par comedâ e lâ indenant.
Buine leture e buine vision.
Con la raccolta che pubblichiamo qui di seguito vogliamo dare spazio alle iniziative più importanti realizzate a tutela del lavoro sul Messale Friulano che l’assemblea della CEI non ha approvato. I documenti inoltre spiegano bene cosa è successo e le soluzioni in corso per rimediare e poter completare l’iter.
Buona lettura e buona visione.
Presentazion dal libri "DA LA SÔ PERAULE A LA NESTRE VITE"
28 di Novembar 2023Us spietìn insiemit Domenie ai 3 di Dicembar alis 15.00 in te Sale Consiliâr a Aquilee pe presentazion dal gnuf libri di Pre Rizieri “Da la sô peraule a la nestre vite an B”.
Co edizion Glesie Furlane L’Orto della Cultura
UNE MESSE PAR FURLAN "PAR RINGRAZIÂ" LA CEI
18 di Novembar 2023Us lassìn chi sot il comunicât stampe che o vin preparât par talian ancje pai media talians.
Us spietìn ducj domenie ai 26 di Novembar 2023.
GLESIE DI SANT JACUM A VILEGNOVE DI SANT DENÊL SU GOOGLE MAPS:
https://bit.ly/GlesieFurlaneSanGiacomoVillanova
Cirint lis olmis di Diu - 8
16 di Novembar 2023Venzone negli scritti di pre Antoni Beline
13 di Novembar 2023Lis flabis di la Fontaine
06 di Novembar 2023Dopo Lis Flabis di Esopo, la gnove edizion di Lis Flabis di La Fontaine e fâs part da la trilogje di Antoni Beline che al à voltât pai fruts, il tierç libri in vore al è Lis Flabis di Fedro, la grafiche e i disens a son di Elisabetta Ursella.
Cul contribût finanziari de Agenzie Regjonâl pe Lenghe Furlane e la Regjon Autonome Friûl Vignesie Julie.
Ae presentazion te biblioteche di Ruvigne a saran intervents di: Pre Roman Michelot president di Glesie Furlane e Laura Nicoloso mestre leturis di: Gjorgjo Pascoli e Sonia Simonutti.
Bibie in Linie
Bibie in linie cu le autorizazion
dal Istitût Pio Paschini pe storie de Glesie in Friûl
La Bibie e je un feralut che nus dà un pont di orientament sigûr. E intun moment di grant disorientament culturâl vê un pont sigûr, une lusute piçule tal troi de vite al è un regâl no di pôc. La Bibie no je un libri par int sentade ma par int in viaç. No je un libri che al console, o dome che al console, ma e je un libri stimolant. E je un libri che nus cjape e nus fâs jentrâ tal grant zîr di Diu. Diu al è trassendent e la Bibie nus jude a cirîlu. Se la nestre int, se la nestre glesie, se ogni cristian al lei la Bibie cun veretât e umiltât, al cambie. O varìn mancul religjositât forsit, mancul pipins, mancul idui ancje religjôs, ma o cjatarìn il Signôr.